విశాఖపట్నం జిల్లా గోపాలపట్నం పోలీస్ స్టేషన్ పరిధిలోని అడివివరం ప్రాంతంలో ఒక ప్రైవేట్ లాడ్జిలో తల్లీకొడుకు ఉరివేసుకుని ఆత్మహత్య చేసుకున్న ఘటన స్థానికంగా కలకలం రేపింది. మృతులను పాత గాజువాక, శ్రీనివాసనగర్కు చెందిన గయప్పాంజన్ (39), అతని తల్లి **నీలవతి (59)**గా పోలీసులు గుర్తించారు. గయప్పాంజన్ హైదరాబాద్లోని ఓ ప్రముఖ ఐటీ కంపెనీలో సాఫ్ట్వేర్ ఉద్యోగిగా పనిచేస్తున్నట్లు తెలిసింది.
గురువారం సాయంత్రం గయప్పాంజన్ తన తల్లితో కలిసి సింహాచలం వచ్చి, అక్కడి పోస్టాఫీస్ వీధిలో ఉన్న ఓ లాడ్జిలో రూమ్ అద్దెకు తీసుకున్నారు. శుక్రవారం సాయంత్రం 24 గంటలు పూర్తయినా గది నుంచి ఎలాంటి స్పందన రాకపోవడం, తలుపుకు లోపలి నుంచి గడియ పెట్టి ఉండటంతో లాడ్జి సిబ్బంది పోలీసులకు సమాచారం అందించారు. గోపాలపట్నం సీఐ ఘటనాస్థలికి చేరుకుని తలుపులు బద్ధలు కొట్టి చూడగా, తల్లీకొడుకు సీలింగ్కు ఉరివేసుకుని వేలాడుతూ కనిపించారు.
ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు. మృతదేహాలను పోస్టుమార్టం కోసం తరలించారు. గయప్పాంజన్కు హైదరాబాద్కు చెందిన యువతితో వివాహం జరిగిందని, అయితే భార్యాభర్తల మధ్య విభేదాలు రావడంతో 2023లో భార్య అతనిపై నాంపల్లి పోలీస్ స్టేషన్లో ఫిర్యాదు కూడా చేసిందని పోలీసులు గుర్తించారు. ఈ కుటుంబ విభేదాలు ఆత్మహత్యకు గల కారణమా అనే కోణంలో పోలీసులు లోతుగా దర్యాప్తు చేస్తున్నారు. ఈ దుర్ఘటన ఆ ప్రాంతంలో తీవ్ర విషాదాన్ని నింపింది.
