టాలీవుడ్ సెన్సేషనల్ స్టార్ విజయ్ దేవరకొండ మరియు నేషనల్ క్రష్ రష్మిక మందన్న ఎన్నో ఏళ్ల సస్పెన్స్కు తెరదించుతూ ఎట్టకేలకు వివాహ బంధంతో ఒకటయ్యారు. రాజస్థాన్లోని చారిత్రాత్మక నగరమైన ఉదయ్పూర్లో ఈ ఉదయం 10:10 గంటలకు అత్యంత సన్నిహితులు, ఇరు కుటుంబ సభ్యుల సమక్షంలో వీరి వివాహం కన్నుల పండువగా జరిగింది. ‘గీత గోవిందం’ సినిమాతో వెండితెరపై మ్యాజిక్ చేసిన ఈ జంట, నిజ జీవితంలోనూ ఏడడుగులు వేయడంతో అభిమానుల ఆనందానికి అవధులు లేవు. ఉదయం హిందూ సంప్రదాయంలో పెళ్లి జరగగా, సాయంత్రం 4:30 గంటలకు రష్మిక సొంత సాంప్రదాయమైన కొడవ పద్ధతిలో మరోసారి వివాహ వేడుక జరగనుంది.
ఈ వివాహ వేడుకకు సంబంధించిన విశేషాలు సోషల్ మీడియాలో వైరల్ అవుతున్నాయి. అభిమానులు ప్రేమగా పిలుచుకునే “విరోష్” (ViRoash) పేరుతోనే ఈ జంట తమ వివాహాన్ని అధికారికంగా ప్రకటించారు. కేవలం పెళ్లి మాత్రమే కాకుండా, అతిథుల కోసం “విరోష్ ప్రీమియర్ లీగ్” పేరుతో సరదాగా క్రికెట్ మ్యాచ్ను కూడా నిర్వహించారు. నిన్న జరిగిన సంగీత్, హల్దీ వేడుకలలో విజయ్, రష్మిక కలిసి డ్యాన్స్ చేస్తూ సందడి చేశారు. అతిథుల కోసం ప్రత్యేకంగా జపనీస్ వంటకాలను వడ్డించడం ఈ వేడుకలో మరో హైలైట్గా నిలిచింది.
ప్రస్తుతం టాలీవుడ్లో ఈ “బిగ్ ఫ్యాట్ వెడ్డింగ్” హాట్ టాపిక్గా మారింది. చాలా కాలంగా తమ రిలేషన్షిప్పై వస్తున్న వార్తలపై మౌనం వహించిన ఈ జంట, నేడు ఒక్కటవ్వడం ద్వారా అందరినీ ఆశ్చర్యపరిచారు. ఉదయ్పూర్లోని ప్యాలెస్ వేదికగా జరిగిన ఈ వేడుకలో సినిమా రంగానికి చెందిన అతికొద్ది మంది ప్రముఖులు మాత్రమే హాజరయ్యారు. తమ అభిమాన నటీనటులు వివాహ బంధంలోకి అడుగుపెట్టడంతో నెటిజన్లు సోషల్ మీడియా వేదికగా పెద్ద ఎత్తున శుభాకాంక్షలు తెలుపుతున్నారు.
