ఒకప్పుడు బాలీవుడ్ టాప్ సినిమాలైన ‘ధూమ్’, ‘హంగామా’ వంటి చిత్రాలతో అలరించిన నటి రిమీ సేన్, తాజాగా జాన్ అబ్రహాం కెరీర్ ఎదుగుదలపై చేసిన వ్యాఖ్యలు హాట్ టాపిక్గా మారాయి. ఇటీవల ఒక పాడ్కాస్ట్లో పాల్గొన్న ఆమె, కెరీర్ ప్రారంభంలో జాన్ కేవలం ఒక మోడల్ మాత్రమేనని, అతనికి నటన పెద్దగా వచ్చేది కాదని బాహాటంగా వెల్లడించారు. తన పరిమితులను తెలుసుకుని, అందుకు తగ్గట్లుగా తెలివైన పాత్రలను ఎంచుకోవడమే ఆయనను నేడు సూపర్ స్టార్ను చేసిందని రిమీ సేన్ అభిప్రాయపడ్డారు.
జాన్ అబ్రహాం తన కెరీర్ను ఎలా మలచుకున్నారో వివరిస్తూ.. విమర్శలకు కృంగిపోకుండా తన బాడీ లాంగ్వేజ్ మరియు లుక్స్కు సరిపోయే యాక్షన్ సినిమాలపైనే ఆయన దృష్టి పెట్టారని రిమీ పేర్కొన్నారు. 2004లో విడుదలైన ‘ధూమ్’ సినిమా ఆ సమయంలో ఒక ట్రెండ్ సెట్టర్గా నిలిచిందని, అందులో తన యాక్షన్ మరియు స్టైలిష్ విలనిజంతో జాన్ యువతను విశేషంగా ఆకట్టుకున్నారని ఆమె గుర్తు చేశారు. ఆ తర్వాత కాలంలో అనుభవంతో తన నటనను కూడా మెరుగుపరుచుకుంటూ నేడు ఒక పరిపూర్ణ నటుడిగా ఎదిగారని ప్రశంసించారు.
ప్రస్తుతం సినిమాలకు దూరంగా ఉండి దుబాయ్లో రియల్ ఎస్టేట్ వ్యాపారంలో రాణిస్తున్న రిమీ సేన్, జాన్ అబ్రహాం బిజినెస్ సెన్స్ను కూడా మెచ్చుకున్నారు. కేవలం నటుడిగానే కాకుండా ఒక నిర్మాతగా కంటెంట్ ఉన్న చిత్రాలను నిర్మిస్తూ ఆయన సక్సెస్ అవుతున్నారని తెలిపారు. తెలుగులో మెగాస్టార్ చిరంజీవి సరసన ‘అందరివాడు’ సినిమాలో నటించిన రిమీ సేన్, ప్రస్తుతం బాలీవుడ్ స్టార్ల గురించి పంచుకున్న ఈ పాత జ్ఞాపకాలు సోషల్ మీడియాలో వైరల్ అవుతున్నాయి.
