నటసింహం నందమూరి బాలకృష్ణ మరియు మాస్ డైరెక్టర్ బోయపాటి శ్రీను కాంబినేషన్లో వస్తున్న ‘అఖండ’ బ్లాక్బస్టర్ సీక్వెల్ **’అఖండ 2: తాండవం’**పై అభిమానుల్లో భారీ అంచనాలు నెలకొన్నాయి. ఈ చిత్రం డిసెంబర్ 5న ప్రపంచ వ్యాప్తంగా గ్రాండ్గా విడుదల కానుంది. ఇన్నాళ్లూ ప్రమోషన్స్ విషయంలో సైలెంట్గా ఉన్న మేకర్స్, ఇప్పుడు వేగం పెంచుతూ కార్తీక పౌర్ణమి సందర్భంగా ఫస్ట్ సింగిల్ అప్డేట్ను అందించారు.
సినిమా విడుదల తేదీ దగ్గర పడుతున్న నేపథ్యంలో, ఫస్ట్ సింగిల్ విడుదల చేయాలని మేకర్స్ నిర్ణయించారు. ఈ తొలి పాట ‘ది తాండవం’ పేరుతో విడుదల కానున్నట్లు అధికారికంగా ప్రకటించారు. చిత్ర బృందం నవంబర్ 7న ‘ది తాండవం’ సాంగ్ ప్రోమోని లాంచ్ చేయనున్నట్లు తెలిపింది. మ్యూజిక్ డైరెక్టర్ థమన్ అందించిన ఈ పాట “డివోషనల్ గర్జనకు సిద్ధంగా ఉండండి” అంటూ గూస్ బమ్స్ తెప్పించేలా ఉంటుందని ఇన్సైడ్ టాక్.
‘ది తాండవం’ సాంగ్ ప్రోమో సందర్భంగా బాలయ్య అఘోరా పాత్రకి సంబంధించిన ఒక చిన్న గ్లింప్స్ను కూడా విడుదల చేశారు. ఇది సినిమాలోని పవర్ఫుల్ టైటిల్ సాంగ్ అని తెలుస్తోంది. థమన్ సంగీతం, బాలకృష్ణ అఘోరా పాత్ర కలయిక ఈ పాటను అద్భుతమైన హిట్గా మార్చగలదని అభిమానులు ఆసక్తిగా ఎదురుచూస్తున్నారు.
